“NYASA INAWEZA KUJENGA KIWANDA CHA MATUNDA. HOTELI NAZO ZINATUDAI MAHITAJI MENGI WANYASA”

NA MARKUS MPANGALA

MAELFU ya vijana waliotokea Wilaya ya Nyasa mkoa wa Ruvuma wamesoma elimu ya Sekondari  katika shule ya Lundo iliyopo Kata ya Lipingo wilayani humo. Hata hivyo sio vijana wote wamepata elimu ya sekondari ndani ya Wilaya ya Nyasa au shule hiyo pekee, lakini idadi kubwa wamesoma hapo. Katika kipindi cha miaka 2000 kumekuwa na ongezeko la shule za sekondari, ambapo nyingi sasa hivi ni za Kata tofauti na awali. 

Miongoni mwao ni ALPHONCE KWENDE ambaye ni mwanazuoni wa masuala ya Kilimo hapa nchini.  Yeye ni mzaliwa wa kijiji cha Chinula, tukiwa tumehitimu pamoja shuleni.  Amejikita katika fani ya Kilimo na anaitazama wilaya Nyasa ikiwa na uwezo wa kujenga Kiwanda pamoja na watu kubadilika kuwa na mawazo ya kibiashara kupitia kilimo. 

SOMA MAHOJIANO KAMILI…..

SWALI:  Habari za mchana mtumishi. Hebu tueleze baada ya  elimu ya Sekondari  Lundo ulichaguwa kwenda shule gani?

ALPHONCE KWENDE: Yes, nilijiunga na Kibiti High School, iliyopo mkoani Pwani kusoma masomo ya kidato cha tano na sita.

Mwanazuoni KWENDE akiwa kwenye shughuli za Kilimo.

SWALI: Umewahi kujiunga na Chuo chochote baada ya kuhitimua ‘High School’?

KWENDE: Sikujiunga na Chuo Kikuu kingine zaidi ya SUA. Hiki ni Chuo Kikuu cha Kilimo cha Sokoine, kipo mkoani Morogoro. Hapo ndipo nilihitimu Shahada yangu ya Kilimo kwa ujumla wake.

SWALI: Aaah! Ndiyo maana kilimo kimekushika sana? Nadhani ni msingi wa Lundo katika somo hilo. Nililipenda sana ila likafutwa. 

KWENDE: Ni kweli kabisa. Kabisa, Lundo walitengeneza msingi mzuri sana kwenye somo la Kilimo, ndiyo matunda yake niliyonayo sasa. Nilimalizana na elimua ye sekondari ya juu  High School, mwaka 2004. Kisha mwaka 2009 nilifanikiwa kuhitimu shahada yangu ya Kilimo pale SUA.

SWALI: Tutajie mambo muhimu ambayo unadhani yanaweza kuipaisha Wilaya ya Nyasa kiuchumi, Afya na Mengine.

KWENDE: Kujibu hilo inatakiwa akili iwe imetulia kidogo. Mimi ningependa sana kuzungumzia sekta yangu ya Kilimo na Ufugaji. Ujio wa Wilaya ya Nyasa unaibua hitaji kubwa sana la kuanza kufanya kilimo chenye tija na cha kibiashara maana mpaka sasa bado wilaya ya Nyasa inategemea Muhogo kama zao kwa chakula na biashara. Ingawaje jitihada zinaendelea kufanyika kuendeleza uzalishaji wa zao hilo ili lilete kipato cha kutosha kwa wakulima hao. Ujio wa Wilaya mpya unakuja na ujenzi wa Mahoteli ambako hakuna uzalishaji wa kutosha mpaka sasa wa mazao ya bustani ya uhakika kukidhi hitaji hilo hivyo kutakuwa na uhitaji wa mboga hizo na matunda kama Mananasi,Parachichi,Matango,Matikiti maji na kadhalika.

Mojawapo ya Hoteli iliyopo wilaya ya Nyasa.

SWALI: Bwana Kwende hapa unatudhihirishia kuwa fursa hii inawahitaji waliosomea fani ya Horticulture (kilimo cha mboga mboga na matunda), kwamba wanahitajika sana Nyasa?

MAONI YA MHARIRI: ‘Nani atalinda samaki wa Ziwa Nyasa?

Naanza katika maliasili zetu. Sisi kama Tanzania tuna maliasili nyingi sana na watu wengi hawajui kabisa hilo na pia tuna wataalamu wangeweza kuwafumbua watu macho. Tukianza kwa kusafirisha nje ya nchi, Samaki hai wa maji baridi yaani Tanzania ndio ina samaki wa bei kubwa kuliko wote duniani. 

MLO KAMILI NYASA. MASWALI NIYAPATIAYO MAJIBU SASA

 

Nikiwa mdogo nilikuwa najiuliza sana mafunzo tuliyopewa shuleni kuhusu chakula bora. Nikirejea nyumbani niliona kama hakuna chakula bora na labda tulipaswa kuwa na chakula kingine. Niliona tunanyimwa haki ya chakula bora labda kile kilichoungwa vizuri yaani mboga yenye viungo, mafuta na kadhalika. Lakini jambo moja sikujua ni kwamba kumbe chakula nilichokula kilikuwa bora zaidi.

Vyakula vingi tunavyotumia havina kemikali nyingi bali vyote ni kutoka shambani na kupikwa jikoni. 

Kama samaki basi tunapata moja kwa moja kutoka ziwani na kupelekwa jikoni kwa mapishi. Tofauti na miji mingi ambayo hutegemea samaki kuitoka ziwani lakini hungojea kwa muda mrefu na kumharibu samaki. 

Kwa upande wa Dagaa nayo hali ilikuwa ileile ni ubora wa hali ya juu wa chakula bora.

Vyakula vingi ni vile vinavyotoka shambani moja kwa moja na jambo ambalo linawadia wengi kuwa na afya bora, akili na uwezo wa kufanya kazi nzito.

 NYASA yetu ni NZURI sana

karibuni Chinula jamani

yaani raha sana karibuni. WEKEZA SASA MKOA WA RUVUMA USINGOJE

Kiangazi Mambo Huwa Bomba Sana

Kipindi hiki ziwa nyasa huamabatana na dhoruba kali sana,wakati mwingine inategemea hali ikoje maana dhoruba inaweza kuvuka hata mwezi septemba kutokana na mabadiliko ya hali ya hewa.Lakini matajaio kuanzia septemba mambo huwa bomba sana hali inamkuna kila mmoja,watu huogelea sana ndiyo msimu wa wanyasa kupumzika kidogo.Ni kipindi safi sana ambacho kila mmoja anakifurahia,iwapo hakuna mabadiliko ya hali ya hewa.Hakika ni kipindi chetu hicho ndipo tunapoona mambo bomba sana.Inakuwa kama hivi...

Kuipenda Kazi Ndiyo Msingi Wa Maendeleo

Sema unaloweza lakini kwetu nyasa hapa hakuna swala la kulalamika kwamba hakuna ajira kama hao watu wa mjini.Nani atakufundisha kupenda kazi yako kama huijali na kuiheshimu.Mwangalie anavyotoa msuli wa kujituma katika kazi.Hii picha imenikuna sana,nimetabasamu sana wakati naweka kwani kuna jamaa hapa anachungulia ninavyoandika na kuiweka anashindwa kuniuliza.Lakini akiuliza tu nitamwambia amesahau kama yupo nyasa nini?Niseme nini jamani......

Maximo AKimwelekeza Jambo Shabani Nditi

Wacheaji wote wa taifa stars nawapenda sana lakini aina ya uchezaji wa Shabani Nditi unanikuna sana yaani najihisi kama nipo katikati nakula ugali wa muhogo na samaki pembeni halafu kuna mtu ananisumbua lakini kwa kunifurahisha...yani we acha hebu mwangalie anavyomsikiliza kocha wa timu ya Taifa yetu Marcio Maximo yaani rahaaaaaaa nicheke nina mwanya?

Twende Pamoja!!! Hivi ndivyo Walivyoshangilia Leo Dhidi ya Kameruni

Pamoja na uwezo wetu mdogo wa soka lakini tumewaonyesha Kameruni tunajua maana ya soka ....kama hivi kwa umoja wetu

Hapa Kazi tu Hakuna Kuremba

Nakumbuka niliweka picha ya aina hii hapa bloguni.Lakini naona huu ni mwendelezo wa Wanyasa katika shughuli za kuinua uchumi wetu.Sifa ya kwanza ya wanyasa ni kazi,huwezi kuolewa kama mwanamke hujui kazi,mwanaume anakamilika kwa kuonyesha uwezo wa kufanya kazi.Wamo au unasemaje?

Mnyasa Nimetua Chinula Wageni Mnasemaje hapo

Naam ndiyo nyasa yetu hiyo.Hapa ni barabara ambayo inakwenda moja kwa moja mpaka mji wa Mbamba Bay ambao ni mji mashuhuri sana katika ukanda wa nyasa una bandari nzuri sana,ingawaje sijaandika kuhusu sifa zake lakini polepole tutafika tu.Hapa ni maeneo ya kijiji cha Chinula pembeni ya mji wa Mbamba Bay.Angali nyumba zetu wala sina hamu na maisha yenu huko mijini.Usicheke basi kwani hatuna uhai?