UJENZI BARABARA YA MBINGA-MBAMBA BAY WAKARIBIA

NA MWANDISHI WETU, SONGEA
MKUU wa Mkoa wa Ruvuma Christina Mndeme amesema ujenzi wa barabara ya lami nzito toka Mbinga wilayani Mbinga hadi mjini Mbambabay Wilayani Nyasa unatarajia kuanza hivi karibuni. 

BONYEZA HAPA KUTAZAMA VIDEO YA RC MDEME

Mndeme amesema hayo wakati akitoa taarifa ya kufungua kikao cha Bodi ya Barabara Mkoa wa Ruvuma, kilichofanyika kwenye ukumbi wa Manispaa ya Songea Novemba 29 mwaka huu, wiki iliyopita. 

TAARIFA YA KUNG’ATUKA LAZARO NYALANDU, MBUNGE WA SINGIDA KASKAZINI

NIMEAMUA kujiuzulu NAFASI yangu ya Ujumbe wa Halmashauri Kuu ya Chama Cha Mapinduzi CCM, pamoja na nafasi zote za Uongozi ndani ya Chama kuanzia leo, Oktoba 30, 2017.

FUAMBAI SIA AHMADU: MWANAMKE ANAYETETEA UKEKETAJI AFRIKA.

Na KIZITO MPANGALA

FUNAMBAI SIA AHMADU alizaliwa mwaka 1969 nchini Sierra Leone katika jamii ya kabila la Kono kaskazini mashariki mwa nchi hiyo. Alifanya kazi na UNICEF nchini Gambia. Fuambai Sia Ahmadu alipata shahada ya uzamili katika chuo cha masuala ya Uchumi jijini London Uingereza akiwa kama mataalamu wa Anthropojia. Baadae aliendelea na masomo zaidi katika chuo kikuu cha Chicago na kupata shahada ya uazmivu.

Anafahamika zaidi kwa utetezi wake wa ukeketaji hasa akifikiria zaidi kutoka katika jamii ya kabila la Kono ambapo yeye mwenyewe amekeketwa na anafurahia jambo hilo. Anasema masuala mengi kuhusu ukeketaji hayajaeleweka kwa ufasaha miongoni mwa watu wengi duniani.   

MAONI YA MHARIRI: KWA WILAYA YA NYASA DUNIA HAIJABADILIKA?

Majuzi nimeona picha ya mwanadada mashuhuri katika mtandao wa Instagram, Mange Kimambi akionyesha majengo ya hospitali ya Lumeme wilayani Nyasa ikiwa na mazingira mabaya ya kufanyia kazi na ukosefu wa huduma muhumu. Pamoja na jengo lenyewe kutokamilika, lakini limekuwa likitumika hivyo hivyo.

Kwangu mimi ile ilikuwa habari kubwa sana kwa wilaya yetu ya Nyasa. Kama mwanahabari naamini kuripotiwa matukio au masuala yasiyofaa  ndani ya jamii ambayo haitoi habari za kutosha ni njia mojawapo kubwa ya kubadili mwenendo.

HAPA CHINI kuna Blogu ya JIMBO LA NYASA. Lakini habari za Jimbo husika ziliwekwa mara ya mwisho Januari mwaka huu. Nimejiuliza wasaidizi wa Mbunge wanafanya nini kama hawawezi kutoa taarifa za ofisi ya mbunge? Najiuliza hivi hatuoni umuhimu wa habari zetu zikiwa hadharani bila kujali mbaya au nzuri?

Je waanzilishi wa blogu ya JIMBO walikusudia tamasha au nini? BONYEZA HAPA KUTAZAMA.  Kimsingi habari za Jimbo la Nyasa ni lazima zitolewe wala kwa wananchi. Pili inadhihirisha "kuamini" kuwa NYASA ni ileile ambayo inaishi pasipo kuwa na habari zozote. Mtazamo huo si sahihi ndio maana wahusika wanaona "bora liende tu" huku wakisahau na kushindwa "KUMUUZA" mbunge. 

Nimejiuliza hadi leo hata kutengeneza ukurasa wa habari za mbunge kwenye mitandao hatuwezi kweli?  Hivi mahusiano ya mbunge na wapigakura wake yana maana gani? Naandika hapa kwasababu naamini wapo wahusika wanaofikisha ujumbe. Ningependa kuwakumbusheni kuwa "kutomuuza mbunge" katika ulimwengu wa kidigitali ni uzembe. Labda tunaweza kutembelea wananchi kila kona ya jimbo, lakini tunapawa kuelewa kuwa taarifa za huko ziwekwe sehemu maalumu kutunza kumbukumbu sio mambo ya "MASJALA" tena (hizo ni zama za kale mawe).

Kwa heshima nawakumbusha wasaidizi wa mbunge, kutoitendea haki blogu, kutozungumzia hata utalii ambao ni chachu ya kukuza mzunguko wa fedha wilayani kwetu ni UDHAIFU unaopaswa kurekebishwa.

Ninawatakieni majukumu mema. 

HABARI NI BIASHARA. HABARI NI UCHUMI.

MARKUS MPANGALA,
Oktoba 17/ 2017
Dar es salaam

MARUFUKU KWA MTOTO CHINI YA MIAKA 4 KUINGIA RESTAURANT

LAMECK KUMBUKA, GENEVA

KWA maana nyingine, Kama una mtoto chini ya miaka minne unataka kutoka 'out' kula kwenye hiyo restaurant basi inabidi usiende naye inabidi umfungie ndani au utafate baby sitter au uahirishe. Hayo ni mashariti ya restaurant ijulikanayo kama Milan iliyopo , katikati ya mji wa Geneva eneo la Paqui ambalo linajulikana kama eneo lililochangamka kuliko sehemu nyingine yoyote mjini Geneva. Ukiuliza sababu za kutoruhusu watoto unaambiwa : "Baby strollers" Zinachukua nafasi kubwa kwa wateja wengine.

Ulaya wako zama ambazo mtu hufikiria mara kumi kumi kabla ya kuamua kuzaa, si tu kwa sababu ya gharama , la hasha bali jamii isiyorafiki kwa watoto. Hhii imesababisha gap kubwa kati ya wazee na vijana ( kuna wazee wengi na vijana wachache sana). Watu hawataki kuzaa kabisa kwa karaha kama hizo. 

Kuna shuhuda nyingi ambako mwanamke akiwa na mtoto anabaguliwa kazin . Kuna siku nilikuwa kwenye tram naenda kazin hapa Geneva, akaingia mama akisukuma mtoto wake kweye stroller abiria mwingine akaonekana kununa na kumkasirikia yule mama eti stroller yake inachukua nafasi kwenye tram. 

Hapa ndipo tulipofikia.Mbaya zaidi divorce rate ni kubwa sana, na kama mama ana mtoto lakin hana mume ndio maisha yanakuwa magumu sana . Single moms ulaya hata kudate ni issue, wanaume wengi wanawaepuka na kuna sababu rational wanazito (sijui kibongo iko vipi hii). Matokeo watu hawana furaha, wengine wana msongo wa mawazo, wengine hadi kujinyonga, ni sababu kama hizo.

Hivi kweli mtu unamchukia mtoto unategemea maisha yako utakuwa na amani, hata kama ungekuwa millionea? At some point ulikuwa mtoto pia , kama ungechukiwa pengnepo usingekuwa hapo ulipo.Kama hupendi watoto na hutaki kuzaa , kaa kimya acha wengine wazae. na usivute midomo ukiona mtu ana mtoto. Hata afrika ambapo watu wanazaa watoto weng bado tunawapenda na tunafuraha kuona watoto , lakin ulaya ambako waliowengi wana mtoto 1 lakin bado hawapendi watoto. Nimechokaaa.

©LAST LAJA

KWA WATANZANIA KUZALIANA NI LAANA ........?

Na Salvatory Mkami, Dar es salaam

Mheshimiwa rais Kikwete mkatika hotuba yake mheshimiwa alieleza kuwa matokeo hayo ni ishara kwamba ifikapo mwaka 2016 kuna uwezekano wa idadi hiyo kufikia milioni 51 jambo ambalo linaweza kuwa ni mzigo kwa taifa, jamii na hata katika masuala ya uchumi.

Mheshimiwa Rais alizidi kufafanua kuwa jamii inapaswa kuyachukulia kwa uzito matokeo hayo hasa katika masuala ya kupanga uzazi pamoja na kuongeza bidii ya kufanya kazi.

Kwa mujibu wa chapisho hilo, inaonesha kuwa kwa wastani, kila sekunde moja wanazaliwa watoto watano hapa duniani, na wakati huo huo watu wawili wanafariki dunia, achilia mbali zile mimba zinazoharibika.

Maana ya tofauti hiyo kati ya vizazi na vifo ni kwamba watu watatu wanaongezeka duniani kila sekunde moja. Ukizidisha idadi hiyo utagundua kwamba kuna ongezeko la watu 11,000 kwa saa na watu 265,000 kwa siku na hii inafanya dunia kuwa ongezeko la watu milioni 100 kwa mwaka.

Hivi sasa dunia ina watu wapatao bilioni 7. Mwaka 1750 kulikuwa na watu milioni 800 tu duniani. Kufikia mwaka 1850 idadi iliongeka na kufikia watu bilioni 1.8.

Mwaka 1950 idadi ya watu ikawa bilioni 2.5. Ilichukuwa miaka 50 idadi ya watu kufikia bilioni 6 yaani mwaka 2000. Ilikisiwa kwamba mpaka kufikia mwaka 2010 idadi ya watu hapa duniani itafikia watu bilioni 7, ikiwa ni ongezeko la watu bilioni 1 kwa muda wa miaka 10.

Lakini pia Ukiangalia mtiririko wa takwimu hizo utagundua kwamba idadi ya watu imekuwa ikiongezeka kwa kasi hapa duniani kuanzia karne ya 19. Kwa mfano nchi yetu ya Tanzania iko chini ya kiwango cha ongezeko la watu hapa duniani ukilinganisha na nchi nyingine zilizoko dunia ya tatu. Tanzania ina ukubwa wa eneo la mita za mraba zipatazo 342,100, karibu sawa na Misri ambayo ina ukubwa wa mita za mraba zinazofikia 384,300.

Pamoja na kwamba tofauti ya ukubwa kati ya nchi hizi mbili ni ndogo sana lakini Tanzania imezidiwa kwa idadi ya watu karibu mara mbili na Misri. Kwani wakati Tanzania ikiwa na idadi ya watu wapatao milioni 44, Misri ina idadi ya watu wapatao milioni 83 kwa mujibu wa sensa iliyofanyika Julai 2012.

Ikiwa utaiunganisha Tanzania na nchi ya Benin iliyoko Afrika Magharibi ukubwa wake utalingana na nchi ya Misri, kukiwa na tofauti ndogo sana. Ukijumlisha idadi ya watu wa nchi ya Benin wanaokadiriwa kufikia watu milioni 9 (kwa mujibu wa sensa iliyofanyika Julai 2012) na idadi ya watu wa Tanzania unapata idadi ya watu wapatao milioni 53, ikiwa bado ni chini ya idadi ya watu wa nchi ya Misri.

Hii inaonesha bado nchi hii ina kiwango kidogo sana cha idadi ya watu ukilinganisha na nchi nyingine zilizo katika dunia ya tatu. Kwa hiyo sioni sababu ya serikali yetu kupiga kelele sana kuzuia watu wasizaane.

Kwa mujibu wa takwimu za Umoja wa Mataifa, imekadiriwa kwamba watoto milioni 1.6 huzaliwa kila mwaka hapa nchini. Na kwa mujibu wa takwimu zilizotolewa hivi karibuni na wizara ya afya zinaonesha kwamba watoto wanaosajiliwa ni 140,000 kila mwaka ikiwa ni asilimia 10 tu ya watoto wanaozaliwa, hii inaonesha kwamba kuna idadi kubwa ya watoto wanaofia tumboni, na wale wanaofariki baada ya kuzaliwa inakuwa haijachukuliwa na kuingizwa kwenye takwimu za serikali.

Hata hivyo inakadiriwa kwamba watoto wapatao 51,000 hufariki baada ya kuzaliwa hapa nchini, na wakati huo huo 43,000 hufia tumboni kila mwaka.

Kwa mujibu wa takwimu hizo inaonesha kwamba bado tunayo safari ndefu ya kupunguza idadi ya vifo vya watoto wanaozaliwa hapa nchini, kabla hatujaanza kupiga kelele ya watu kuzaa kwa mpango.

Hata hivyo chapisho hilo linabainisha kwamba mataifa makubwa yameanza kuonesha wasiwasi juu ya ongezeko la watu hapa duniani. Mataifa hayo yanadai kuwa ongezeko la watu linasababisha uharibifu mkubwa wa mazingira, na hivyo kutishia dunia isiwe salama.

Kwani kumekuwa hakuna udhibiti wa kutosha kiasi kwamba watu wamekuwa wakitawanyika kwa ajili ya kutafuta makazi na hivyo kuvamia maeneo ya misitu ya asili na vyanzo vya maji na kufanya uharibifu mkubwa mkubwa wa mazingira.

Imebainika kwamba iwapo watu hao watasogezewa miundo mbinu kama vile Barabara, shule, hospitali, na huduma mbali mbali za kijamii katika maeneo hayo ya hifadhi waliyoyavamia, itakuwa na maana ya kuhalalisha uharibifu wa mazingira.

Pia wataalamu hao wanadai kwamba ongezeko la watu haliendi sambamba na ujenzi wa miundo mbinu ambayo itasaidia kulinda uharibifu wa mazingira.

Labda niwaulize ndugu wasomaji, hivi nchi masikini na zile nchi tajiri zenye viwanda ni zipi hasa zinazoifanya dunia hii isiwe salama?

Wao wana viwanda wanazalisha sumu kila uchao huku wakitulisha vyakula na madawa yenye sumu ili kujikusanyia utajiri, halafu leo wanasema kuwa nchi masikini ndizo zinazochangia uharibifu wa mazingira na kuifanya dunia isiwe salama, huu ni uonevu wa hali ya juu.

HEBU TUANGALIE UPANDE MWINGINE WA SHILINGI WA KADHIA HII:

Kuzungumzia ongezeko la watu, unazungumzia ongezeko la soko, kwa maana ukuaji wa biashara, nguvu kazi, na ongezeko la viwanda, na hivyo ukuaji wa uchumi kuongezeka.

Kwani kwa jinsi idadi ya watu inavyozidi kuongezeka na ndivyo uchumi unavyozidi kukua, hebu angalia nchi kama ya China, India, Marekani na iliyokuwa Urusi kabla haijasambaratika, ukuaji wa uchumi katika nchi hizo ulitokana na kuwa na idadi kubwa ya watu.

Ila naomba nitahadharishe kidogo hapa, ninapozungumzia ongezeko la watu na ukuaji wa uchumi nazungumzia nchi kutumia nguvu kazi katika kuzalisha na kuwa na serikali makini inayowawezesha wananchi wake kufikia malengo yao.

UKIMWI, AJIRA NA UHARIBIFU WA MAZINGIRA MBINGA

Na Aaron Kinunda, Mbinga

Mambo niliyoochunguza nikiwa MBINGA ambayo kimsingi yanahatarisha ustawi na maisha ya wanambinga wote kiujumla.

1. Uharibifu wa mazingira uliokithiri ambao unatishia uzalishaji wa mazao ya chakula na biashara.

2. Kuongezeka kwa kasi maambuzi ya UKIMWI. Hali hii ni mbaya zaidi, kwa haraka haraka unakuja kugundua kuwa takribani karibu katika kila mtaa kuna familia kadhaa ambazo zinawaathirika wanaotumia ARV. 

maeneo ya wilaya Mbinga

Mbaya zaidi wengi ni vijana wenye watoto wadogo na ndio nguvu kazi ya jamii. Hali hii ni mbaya sana kwani kuna hatari baada ya miaka kadhaa tukawa na yatima wengi sana na wazee wakabakiwa na majukumu mazito ya kulea watoto hao. Kinachosikitisha zaidi ni ile hali ya watu kutochukua tahadhari wala kujali na pale wanafunzi wa shule zetu za kata kujikuta wakiingia kwenye huu mtandao mkubwa wa UKIMWI.

3. Ongezeko la vijana wasiojishughulisha na kazi yoyote na badala yake kubaki kucheza Kamali na kuiba mazao na mifugo ya wazee wao.

Stendi kuu ya Usafiri, Mbinga

HALI INATISHA KWELI, JARIBU KUCHUNGUZA MAENEO UNAYOTOKEA NA UONE HALI HALISI NA NINI SULUHISHO? HATUA ZA MAKUSUDI INABIDI ZICHUKULIWE VINGNEVYO....

SHULE ZA AWALI NYASA ZINAKABILIWA NA CHANGAMOTO LUKUKI

Na Albano Midelo, Nyasa

SERIKALI kupitia wizara ya elimu na mafunzo ya ufundi iliamua kuanzisha mfumo wa elimu ya awali katika shule za msingi kwa lengo la kuwaandaa watoto wenye umri kuanzia miaka mitano.

Wizara ya elimu imedhamiria kuhakikisha kuwa watoto wenye umri wa miaka mitano hadi sita wanasoma darasa la awali kabla ya kuanza kuingia shule ya msingi wanapokuwa na umri wa miaka saba.

Uchunguzi uliofanywa katika kata za Kihagara na Liuli umebaini kuwa madarasa ya awali katika shule hizo yanakabiliwa na changamoto mbalimbali hali ambayo inaathiri utoaji wa elimu hiyo muhimu kabla ya kuanzia shule za msingi.

Wanafunzi wa Darasa la Awali wapatao 90 katika Shule ya Msingi PUULU, Kata ya LIULI, wilayani Nyasa wakiwa katika darasa ambalo halina dawati hata moja.

Mwalimu wa taaluma katika shule ya msingi Ndonga kata ya Kihagara Amos Kilongo anasema shule hiyo ina darasa la awali lenye wanafunzi 37 ambao wanasomea kwenye mti kutokana na kukosekana kwa chumba cha darasa na kwamba mwalimu anayefundisha katika darasa hilo ni aliyemaliza kidato cha nne.

“Wanafunzi wa darasa la awali hawana darasa wanasomea chini ya mti,pia darasa halina madawati wa awali wanakaa  wakati wa mvua wanafunzi hao wanasome katika kanisa katoliki ambalo tumewaomba wamiliki wa kanisa hilo wamekubali kutusaidia’’,alisisitiza.

Mwalimu mkuu wa shule ya msingi Kihagara Anet Ngindo anasema shule hiyo ina darasa la awali lenye wanafunzi 52 ambao wanasomea chumba cha shule ya msingi wakifundishwa na mwalimu ambaye hajapata mafunzo ya ualimu na sio mwajiriwa analipwa posho kupitia michango inayochangwa na wazazi.

Mwalimu mkuu katika shule ya msingi Tumbi  Evaristo Ndiwu anasema katika shule yake kuna darasa la awali lenye watoto 45 ambalo halina chumba cha kusomea ambapo mwalimu wake hana taaluma ya ualimu ni mhitimu wa kidato cha nne analipwa posho kutokana na michango ya wazazi na walezi.

Katika shule ya msingi Mango,mkuu wa shule hiyo anasema katika shule yake kuna darasa ka awali lenye wanafunzi 60 ambao hawana chumba cha kusomea na  wanafundishwa na mwalimu ambaye hajapata mafunzo ya ualimu sio mwajiriwa badala yake analipwa posho na wazazi kati ya shilingi 30,000 hadi 50,000 kwa mwezi.

Mwalimu mkuu wa shule ya msingi Ngehe Silivanus Mbeya anasema katika shule yake kuna darasa la awali lenye watoto 36 ambalo halina chumba cha kusomea na linafundishwa na mwalimu ambaye amehitimu kidato cha nne hana mafunzo ya ualimu analipwa posho na wazazi ambayo haikidhi mahitaji ya mwalimu huyo.

Uvuvi ni shughuli inayoongeza kipato na ukuaji wa uchumi kwa wakazi wa wilaya ya nyasa. hapa wavuvi wakiwa kazini.

Katika shule ya msingi Puulu  mwalimu mkuu wa shule hiyo Cathibert Maluka anasema katika shule yake kuna darasa la awali lenye wanafunzi 90 na kwamba wanafunzi hao wanakabiliwa na changamoto mbalimbali zikiwemo na ukosefu wa madawati ambapo wanafunzi wote wanasoma kwa kukaa chini.

“Darasa la awali katika shule yetu limebahatika kuwa na walimu wawili ambao wamepata mafunzo rasmi ya kufundisha wanafunzi wa darasa la awali hali ambayo inawawezesha kutoa elimu ya awali kulingana na malengo ya wizara ya elimu licha ya wanafunzi kusomea chini’’,alisema .

Mwalimu mkuu wa shule ya msingi Nkali Erasmus Haule  anasema shule hiyo yenye jumla ya wanafunzi 210 ina darasa la awali lenye wanafunzi 45 ambao hawana darasa badala yake wanasomea kwenye banda ambalo jioni linatumika kama klabu cha pombe na kwamba mwalimu anayefundisha hajasomea.

Katika shule ya msingi Hongi  kwa mujibu wa mwalimu mkuu Simon Ndunguru shule hiyo ina darasa la awali lenye wanafunzi 52 changamoto kubwa hakuna chumba maalum cha kusomea na kwamba mwalimu anayefundisha sio mwajiriwa na wala hajasomea kufundisha darasa la awali.

Katika shule ya msingi Mwongozo yenye wanafunzi 654 inakabiliwa na changamoto ya ubovu wa darasa la awali lenye watoto 81 halina sakafu lina mwalimu mmoja ambaye hana mafunzo ya ualimu ,hajaajiriwa analipwa posho na wazazi wenye watoto hao

Baadhi ya wadau wa elimu katika kata za Kihagara na Liuli ambao ni Neema Msumba,John Ndunguru,Joel Makelele,Melikion Mapunda na Victor Komba wametoa wito kwa serikali kuhakikisha kuwa kila shule ya msingi inajenga darasa rasmi kwa ajili ya elimu ya awali badala ya shule nyingi kutumia vyumba vya shule ya msingi.

Wameitaka wizara ya elimu na mafunzo ya ufundi kuhakikisha kuwa kila darasa la awali inapeleka walimu waliopata mafunzo rasmi ya namna ya kufundisha watoto wa awali badala ya tabia ambayo inafanywa na shule nyingi kuwatumia vijana ambao wamehitimu kidato cha nne huku wakiwa hawajapata elimu ya ualimu.

Mratibu elimu kata ya Liuli Abrahamu Challe amesema kata yake imejipanga kuhakikisha kuwa changamoto zote zinazoikabili elimu ya awali katika kata yake yenye shule saba zinatafutiwa ufumbuzi haraka ikiwemo kuwa na chumba rasmi kwa ajili ya awali,walimu na madawati.

Challe ametoa wito kwa serikali kutumia mfumo wa uboreshaji wa elimu ya awali kama ilivyokuwa kwa uboreshaji wa elimu ya msingi na sekondari kwa kujenga  vyumba viwili vya madarasa kwa kila shule na kusisitiza kuwa vifaa vyote vya ujenzi vitolewe na serikali na wananchi waachie ujenzi.

Afisa elimu msingi katika Halmashauri ya wilaya ya Mbinga David Mkali ambaye anahusika na wilaya ya Nyasa anasema elimu ya awali ni sera ya wizara ya elimu kuhakikisha kila shule ya msingi inakuwa na darasa la awali kwa lengo la kuinua elimu hapa nchini.

Ameahidi kushirikiana na viongozi mbalimbali wakiwemo madiwani,watendaji wa vitongoji,vijiji,kata,tarafa pamoja na wenyeviti wa vijiji kuhakikisha wanahamasisha wananchi katika maeneo yao kusimamia ujenzi wa madarasa ya awali na kutengeneza madawati ili watoto hao waweze kusoma katika mazingira bora.

“Ni ukweli madarasa ya awali yaliyo mengi yanafundishwa na walimu wasiopata elimu ni kutokana na uhaba mkubwa wa walimu uliopo katika shule nyingi nchini,lengo ni kuhakikisha tunapata walimu wa kutosha ikibidi hata kuwatumia walimu wanaostaafu kufundisha katika madarasa ya awali’’.alisisitiza.

Unaweza kuwasiliana na mwnadishi kwa anuani ifuatayo: albano.midelo@gmail.com,simu 0766463129

UHARIBIFU WA MAZINGIRA KIJIJI CHA NDUMBI??

 Zipo taarifa kwamba kampuni ya uchimbaji ya makaa ya mawe, TANCOOL katika kijiji cha NDUMBI kilichopo wilaya ya Nyasa imesababisha uharibu wa mazingira ndani ya kijiji hicho. Taarifa hizi zimeifikia mtandao huu wa KARIBUNI NYASA kupitia kwa mdau wetu Egbert Jeremy, ambaye yupo kwenye wilaya hiyo katika shughuli za utengenezaji wa Barabara na mradi mkubwa wa mami safi na salama wilayani humo. 

Kutokana na suala hili, mtandao huu unafuatilia kwa karibu taarifa za kampuni ya TANCOOL ili kubaini ukweli, na ikiwezekana kuishauri njia na umuhimu wa kulinda mazingira mbali ya mradi wao wa uwekezaji. Tuna imani wataelewa na watasaidia ulindwaji wa mazingira ya kijiji cha NDUMBI ambacho kama kitaharibiwa bila shaka yoyote kinaweza kuwa Jangwa kutokana na hali yake ya hewa kukosa uoto wa asili.

KWANINI tunaingiwa na HISIA ZA KUTAMANI KUFA?

Binadamu tuliumbwa kwa kusudi maalumu. Na kila mmoja yupo duniani kwa kusudio maalumu. Na kila mmoja analojukumu lake hapa duniani. Lakini binadamu tunajua kuwa Mungu anatupenda sana, ingawa hajawahi kutueleza moja kwa moja. Kwa imani twaenenda kwamba Mungu yupo nasi muda wote kwa shida na raha. Na wapo wanaojiuliza wakati wa shida kwamba Mungu yuko wapi na kwanini hawasikii?

Lakini wapo wengine wanajiuliza ni kweli UPENDO wa Mungu unafanana na ule ambao wanadamu wanaweza kuutoa. Je ni kweli binadamu wanakupenda wewe  hapo ulipo? Ili ujue wanakupenda ungependa wakufanyie nini? Na kwasababu gani wakufanyie hilo unalodhani ni upendo wao kwako? Je ni kwanini unampenda Mungu usiyemuona wakati unashindwa kuamini kuwa RAFIKI yako anakupenda? Je wema wa mungu huonekanaje na wema wa RAFIKI huonekanaje?

LABDA

Ni kwani binadamu tunaingiwa na HISIA za KUTAMANI KUFA? je maisha yetu tunahitaji yawe na furaha kila wakati?Au ni kitu gani kinatufanya uwaze hilo jambo la kusema NATAMANI KUFA? wangapi wanatamani wanatamani KUFA lakini hawajafa? Ni wangapi hawatamini KUFA lakini wamekufa? NAWAZA KWANINI WANAOTAMANI KUFA HAWAFI na wale WASIOTAMANI KUFA wanakufa?

MAISHA YAPO SAFARINI.......

Basi la Sumry sambamba na gari la mizigo

Pale maisha yanaomaanisha tunapambana kwa njia tofauti. Lakini kwanini tupambane na maisha wakati hatuishi ili kupambana?? Kwanini nitoe nafasi wakati hakuna anayenipa nafasi?? MAWAZO maisha SAFARINI....

Viongozi wa TUCTA kugombea Urais 2015 na 2020?

James Oliver Robertson, alipata kuandika hivi; ‘msingi wa kutafuta maisha na furaha kunataka mtu abadilike na wale wasiofanya hivyo wanabakia watu wa kusikitisha na kusikitikiwa,kuchekwa na kubezwa’(mwisho wa kunukuu).
Je usemi huu utatimia kwa uongozi wa shirikisho la vyama vya wafanyakazi nchini? Tujiulize swali hilo huku tukitambua kuwa waraka wa mkuu wa utumishi wa umma namba 1 wa mwaka 2000 na kanuni ya 65(1) ya kanuni za utumishi wa umma za mwaka 2003, watumishi wa umma hawaruhusiwi kufanya shughuli za siasa wakati wa saa za kazi na wakiwa kazini na kuajiriwa na chama cha siasa.
Isome Makala nzima, USIPITWE

TANGAZO LA NIA????

usiniulize, angalia tu

Kama unaweza kubaini hebu niambie hawa ni nani? Na je ni Tangazo la Nia au? Hii ilitokea pale hoteli la kibepari karibu na nyumba ya sanaa. Linaitwa Moven-kilele a.k.apeak a.k.a pick ilikuwa ijumaa iliyopita. Je ni tangazo la nia??? ha aha ha ha ha ha ha ha Nimewakamataaaaaaaaaaaaaa

SIFA ZA WAPUMBAVU NI ZIPI?

Moja ya mambo yanayonisumbua ni wasomi kuendeshwa kiimani na kuondoka katika uhalisia wao(siyo woteeeeeee jamani). Jambo linalonipa shida ni pale ninapomsoma msomi kwa njia ambayo tunaamini anatuelemisha. Kila kona ya dunia unakutaka na sifa ya mtu aitwaye msomi, lakini nimekuwa muumini sana wa jamaa mmoja wa China anayitwa SUN TZU kwanza naamini hakuwa msomi walau kuwa Porofesa aaaahhh samahani Profesa au Mwalimu.... mmmmmh labda nimekosea, waama!

 Kuufikia Uprofesa kuna kanuni zake. Kufikia Udaktari wa Falsafa kuna kanuni zake. Kuufikia sijui utaalamu wa fizikia au kemia kuna kanuni na utaalamu wake. Na je ni nani anaweza kubainisha sifa halisi za Msomi. Na anatumia vigezo gani. Ipo imani ambayo imeenea kidogo kwa baadhi ya watu kwamba ukiwa mjuvi wa vijimambo vingi walau si haba nchini mwetu unaweza kuonekana karaha au kero naam, utakuwa sijui naniiiii

Lakini jambo linalosumbua akili zangu ni kujua kwanini naweza kuishi bila kuwategemea wasomi. Bado najiuliza kwanini Barefoot College kina sifa ambazo wasomi hawatakiwi. Wasomi ni magwiji ni mafundi wa mambo mengi. Lakini sifa hii inaweza kumweka msomi huyu kutojifunza kwa WAPUMBAVU? Na hapo ninajiuliza njia ya kwanza ya kujifunza ni ipi kati ya kuona na kusimuliwa. Maana hata Mpumbavu anaweza kukusimulia na ukaamini na kujifunza.

Naamini labda kinachonisumbua akili yangu ni kutokubaliana na mambo ya kishabiki tu bila kupima na kuamini ndivyo ipasavyo. Ndiyo maana kwa muda mrefu nimetukanwa sana niliposimama na kusema sihitaji kelele kutoka Washington na London ziseme Rais Mugabe ni dikteta na mhuni, nikasema wale waliomwita Mandela gaidi wako wapi, na walipoanza kutengeneza suala hili na kuuvika ulimwengu kuwa dunia inasumbuliwa na ugaidi walidhani sote tuwe watumwa.

Hapana, ndiyo maana nasema endapo suala la kujifunza misemo au kunukuu falsafa za WAPUMBAVU ni UJINGa basi UPUMBAVU na UJINGA wa kwanza utakuwa ni KUZALIWA kwa binadamu maana yapo matendo mengi sana yanayoambatana na BAHATI MBAYA. Lakini kanuni hii inatokana na nini? Na kwanini usipoelewa kitu ukihitimisha haraka bila kujipima umeelewa? Na kwanini usiwekeza kuelewa?               naacha nimetingwa kibingwa......

Basi ni uzembe, basi ni ushabiki ambao sitokuwamo na sitoukubali kwakuwa watu wote wanaamini vuguvugu(kumbuka hawaamini bali wanashabikia kama tupo dimbani). Sifa za wasomi zinajulikana na sifa ya WAPUMBAVU NI ZIPI? Maana kama tunakubali kuwa UJINGA ni jambo baya basi huenda kuamini WASOMI ndiyo wanajua kila kitu ama wao kujiweka katika daraja la juu kwamba wanaweza kufahamu mengi nao ni ubaya zaidi, basi hakuna haja ya kuwepo kwa WAPUMBAVU.

Ninapenda mijadala mitamu inayoumiza kichwa kwa tafakuri hasa pale tunapowaona magwiji wa kufikiri wakijaribu kuibua hisia na hasira za dhahania, kuliko uhalisi. Basi tukishafika hapo tunaweza kujihoji tena kipi kilianza kati ya UPUMBAVU na KUZALIWA? Na kama WAPUMBAVU ni sehemu ambayo mabingwa wa kusoma wanaweza kujifunza kwao, basi hitimisho kwangu halitokwisha kuamini KUNA UHABA WA FALSAFA na labda neno langu baya ni UMASIKINI WA FALSAFA,  Kile unachoamini

Ndiyo, siyo kila FALSAFA inatakiwa kutokana na msomi maana kuna matusi mengine ni FALSAFA. Na siamini falsafa ni zile zitolewazo na wagwiji wake wanaoitwa wasomi ama wale wa kale. Je unaamini nini katika harakati hizi zinazoshabikiwa na watu kama hujapima na kujiridhisha kwamba ndivyo ilivyo? Endapo unajiingiza tu na kudhani ndivyo, basi wewe hustahili kuwepo hapo kwani HUNA FALSAFA, na la zaidi inakata roho na kurudi upya. Je nani anaweza kutupatia SIFA ZA WAPUMBAVU?

Naendelea kutafakari..... nitarudi kinyasa nyasa tu..... najiuliza ZIKO WAPI SIFA ZA WAPUMBAVU

CHANZO;
MARKUS, MWALIMU NYERERE ALIANDALIWA NA NANI?  isome hapa
                   >maoni ya kaka John Mwaipopo na Kaka Matondo

Tujadiliane......................

ILIKUWA NASIBU?? iko wapi JUWATA?

Hoja ya Mama Mchungaji Koero Mkundi imenigusa kiasi fulani. Na kwa dhati nampongeza sana kwa kuibua hilo, na inaonyesha namna gani anagusa bongo zetu. Nimejiuliza maswali lukuki kabla ya kuacha maoni katika kibaraza chake. Baada ya kujiuliza nikaongeza,  je INATOSHA?

Je inatosha tu kusema ilikuwa NASIBU au ILIPANGWA? Binafsi NALIPINGA HILO. Kwasababu ukiangalia namna mwenendo ulivyo kuhusu mjumuiko huo unaweza kudhani ilikuwa NASIBU hawa viumbe hai kukutana hapo. Lakini kama mijumuiko mingine haikusemwa, basi huu ulikuwa sehemu tu ya kile kilichowahi kutokea.

Kwangu NASIBU ilikuwa siku nilipokutana na Kamala Luta, pale Regent Estate- mtaa wa Milingotini- Mikocheni katika mgahawa wa vitabu uitwao SOMA(SOMA CAFE). Ile ilikuwa NASIBU kwasababu hapakuwepo taarifa za kukutana kwetu bali warsha za FRED MACHA(toka London-Uingereza) zilitukutanisha.

Tulioona hapakuwa na kufahamiana kwa lolote ndiyo maana Kamala aliniuliza swali ambalo Fred Macha alikuwa akiniuliza mara nyingi kwamba nina uhusiano wa kidugu na Maggid Mjengwa? Jawabu langu ni hapana, sote ni binadamu.

Ndipo nikadadisi huyu aniulizaye ni nani? Naam hapo ni NASIBU. kilichofuata ni Kamala kuniuliza jina, ndipo akataharuki na kutaja jina lake(alitulia). Baada ya hapo ni simulizi. Tukirudi kwa kaka Shaban Kaluse naamini nguvu zake alizounganisha na mtani wangu Fadhy Mtanga a.k.a shemeji mtarajiwa zilikuwa na mpango maalumu. wakati mtani Fadhy alikuwa na kundi alilounganisha, huku Kaluse alikuwa na mpango wa kundi pia kuliweka pamoja.

Jambo la kwanza(kwa mujibu wa Kaluse) huko nyuma waliwahi kujumuika kwa kiasi fulani, lakini haikuwa kipaumbele katika blog zetu. kwahiyo ulipangwa mpango wa kuwakutanisha wanablog hapo. Je walianzaje? hapo ndipo palipo na swali. Ukidodosa zaidi utaona kuwa kuna kitu kinaitwa JUWATA. endapo unakifahamu hiki huwezi kusema NASIBU, kwahiyo JUWATA(jumuiya ya wanablog wa bongo) imeshindwa kazi.

Nasema hivi kushindwa siyo kutowakutanisha wanablog kwani siku hiyo mwenyekiti wake Mtakatifu Kitururu tulikuwa naye hewani. Je ilikuwa NASIBU wakati alishaweka namba za simu katika blog yake kuwa atakuwa bongo katika vipengere vya Moro,Dar,Arusha na Nairobi?

Nayo ilikuwa NASIBU? kama kulikuwa na kusudio la kufanya mjumuiko,basi sikuweza kuwa mbali sana, lakini nilipojulishwa orodha iko Movenpick(mahali ambapo sipapendi wala kupatamani- ubepari mtupu), nikajumuika. Nakiri mimi nilichelewa na nikawachelewesha wengine.

Kwahiyo ukiangalia namna mpango ulivyosukwa wa kusema 'IPO SIKU' ndipo siku hiyo ikatimia, tukawa WATOTO WA BABA MMOJA. Jamani mimi nimehudhuria mjumuiko wa Wanabidii pale Mikocheni lakini nawaambia ipo heshima na malengo, ila siyo NASIBU? ukiwa mbali na ukweli mara nyingi unajenga mashaka.

Lakini ukiwa karibu na ukweli unajenga ukweli '.......AND THE TRUH SHALL SET YOU FREE'. Ninachokusudia ni kulipinga suala la NASIBU. na kama huna mawasiliano ya pembeni ya blog zetu hizi(yaani nje ya blogu) utaona hii ni hadithi za CHARLIE'S WILSON WAR na yale mambo ya LAOS au yale ya SECRET OF THE KINGDOM. Kama wengine wanajumuika pembeni bila kuandikia katika blogu zetu hizi inakuwaje?

Maana endapo umbali wa kushinda unawekewa vikwazo, basi ni rahisi kuandaa kushindwa kwakuwa kunawekewa vikwazo..... Hivyo basi hoja ya Mama Mchungaji ni nzuri, lakini je ipo wapi JUWATA? ni kwanini tunalbo tu bila kujipika tukaiva? JUWATA imekufa kibudu?

Maana ni Christian Bwaya pekee binadamu aliyehoji suala la JUWATA. endapo tungeithamini au kuikumbuka naamini swlai lingeanzia hapo lakini siyo NASIBU. wakati Muhidn Issa Michuzi akihudhuria mkutano wa Diasporra, alisfiwa, nami nilisifu kuthaminiwa huko, lakini cha ajabu tumebweteka tu na kuiacha JUWATA ikioza huku tukiwapongeza wanablog wa Diasporra.

Na wengine tunajua hapo Kenya(Piga Kelele), tunajua na huko Taipei. Yote hayo ni NASIBU? kwasababu kuna mambo ni lazima tujiulize kwa bidii. tublog kwa sababu gani haswa? kabla ya kuanzisha blog yetu tunaifahamu JUWATA? tumeitendea haki jumuiya hii kweli?

Kipi kilianza kati ya JUWATA na WANABIDII? je watushinde hata hawa iRafiki,KIKO, na MAL? nina kiu ya kuuliza mfululizo kwani kwangu NASIBU haipo labda tukubali kuwa JUWATA imekufa, haina nguvu wala haiwezi kufua dafu kwa NYAZODE yetu ya nyasa.

Wakati wengine tunamujumuiko midogo midogo tu tunaamini kuwa sisi ni WATOTO WA BABA mmoja. Au labda mzimu wa kuficha uhalisi wa mtu unasababisha kutoweka kwa thamani ya mtu? ndiyo, maana tunatakiwa kwenda mbali zaidi, tuende maili nyingi na kujiuliza NASIBU ni nini?

Tatizo ni nini hapa hadi JUWATA imepotea na tunafika katika NASIBU? Ni vema wakongwe akina Kitururu,Da Mija Shija, Ndesanjo Macha,Fred Macha,Edo Ndaki,Da' Subi,Kasri la Mwanazuo,Yahya Charahani,Simon Regis,Deus Ngowi,Haki Ngowi,William Shao,Nyasigo na wengine waseme nini kinachoendelea katika JUWATA yetu ili tuondokane na NASIBU. Nawasilisha mheshimiwa mwenyekiti wa JUWATA. Je ilikuwa NASIBU?

MAPENZI NAYO..........

Jamani mnaonaje kuhusu hili nalo??? ,,,,,....... Ngoja unajua nipo kwenye kaofisi kangu hapa??? Unajua mimi huwa sina siku ya mapumziko katika siku 7 za wiki? Labda niamue tu kupumzika, lakini ukweli siku ipo ila sitaki kupumzika..... kwani naamini nitapumzika nikioza nikiwa kaburini... AU?

JAMANI nimekaa hapa nawaza, maana Mtani Fadhy anajua kaofisi kangu kalivyo bwana..... eeeeh  Hapa nawaza eti HAYA MAPENZI inakuwaje mtu unakuwa na muwasho au HISIA za kimapenzi na mtu?? Inakuwaje kwanza mtu ukawa katika hali hii jamani. Nawaza kwasababu unaweza kuwatazama WANAWAKE/WANAUME  wengine yaani unaweza kumwona MWANAMKE/MWANAUME lakini usiwe na hisia naye........ LAKINI kati ya hao anaweza kutokea mtu ambaye WEWE unaamini kuwa UNA HISIA ZA KIMAPENZI KWAKE. Eti jamani mnalionaje hili. Kwanini kwa wengine huna HISIA hizo lakini unazo kwa mtu fulani. Halafu inatokea mtu anaonyesha MAPENZI kwelikweli LAKINI baada ya EMCHEKU anacharuka bin MCHARUKO huyooooooo 'hit and run' AU?

Yaani inamaana hisia hizo ni za kumchungulia mwenzio UVUNGUNI kisha ufute vumbi miguuni utimue zako bila kugeuka nyuma? Najaribu tu kuwaza haya mambo. ETI fikiria kuna watu wanaimbiana NAKUPENDA SANA NAKUPENDA SANA NAKUPENDA SANA lakini baada ya muda HAWATAZAMANI kila mtu kashika hamsa zake huyoooooo tena huko aendako anapata mtu mwingine wimbo uleule NAKUPENDA SANA NAKUPENDA SANA. inakuwaje haya? Ha ha ha ha ha SIJATINGWA ila najaribu kujenga taswira........ ha ha ha Lol..........

Huyu unamwambia NAKUPENDA SANA halafu baada ya miezi au miaka kadhaa upo na mwingine unaimba wimbo uleule NAKUPENDA SANA..... hivi mwisho wake itakuwaje mimi sina jibu sielewi. Hata kama umefunga ndoa lakini mnaachana na wimbo wa NAKUPENDA SANA unahamia kwingine AISEHHHH!!!!!!

Sawa msikose kusikiliza KWAITO, mtafute MANDOZA katika hili bonge la myuziki NKHALAKATA

BADO MFULULIZO WA MAWAZO

Jamani, sasa hivi ndiyo nataka kufunga haka kaofisi kangu niende nami nyumbani. Lakini najua nikifika tu kitu cha kwanza ni kuifungua kompyuta yangu ili niendeleza mambo yangu ya kukaa na tarakilishi. Na zaidi basi nitakaa nyuma ya DSTV niangalie soka au marudio ya Tenisi au vipi, na zaidi ule muziki wa Kwaito mtamu...... Nadhani mtani anajua utamu wa soka. TUACHE HILO.....

KUNA hili jambo nilikuwa najaribu kuwaza dakika chache hizi na hadi sasa naandika naendelea kuwaza. HIVI WEWE UNAMWAMINI NANI HASA KATIKA MAISHA YAKO? Yaani UNAVYOISHI KILA SIKU KUNA MTU UNAMWAMINI SANA? KWANINI?

Unajua katika maisha yetu haya kuna wakati unakuwa na marafiki wengi sana, na wengine wanaweza kukupotosha halafu ukajuta hapo baadaye. Labda utaniuliza mimi namwamini nani. Mwenzangu yupo mtu namwamini anaitwa Yasinta Ngonyani, ni sababu nyingi na ukweli NAMWAMINI SANA. Lakini ukiniambia nikwambia sababu za KUMWAMINI, sitakwambia....

Hebu jiulize wewe unayesoma hapa UNAYEMWAMINI NA KUMWAMBIA MAMBO YAKO, HASEMI KWA WENGINE MAMBO HAYO? au UNAMWAMINI KIASI GANI? Bado mfululizo wa MAWAZO TU.  ok naenda nyumbani, nimeimiss tarakilishi yangu aiseh

UNAONAJE HILI katika MAISHA YAKO

Nimekaa katika kaofisi kangu lakini nikajikuta kicha kinakataa kufanya kazi. Najiona waziwazi nimesongwa na mawazo. Ingawaje wapo wanaweza kusongwa na mawazo kiasi hata wakaugua mgandamizo wake kutokana na kuwaza kwa muda mrefu, lakini kwangu ni tofauti. Nimekwisha kuugua sana suala la msongo wa mawazo lakini tiba zangu ni mazoezi, na kufanya kazi mbalimbali, kifupi mwili wangu unahimili vihoma vya kijinga kama hivi.

Ila nawaza sana leo. Nikiwazacho pengine kwasababu tu nawaza kutokana na nilivyo labda, ingawa sijui nipoje Lol... Hapo ndipo nikamkumbuka WILLIAM SHAKESPEARE. Nikakumbuka maandiko yake fulani hivi.

Yaap! Ukisoma kitabu chake cha TIMMOTH OF ATHENS(samahani jina la kwanza lina kawaida ya kunikwepa kulijua, sijui ni TIMMOTH au TIMMON maana ni muda mrefu sijakitia machoni tena. Si unajua cha kuazima hakisitiri wowowo??.....Ngoja tu).

Sasa katika maandiko yale anasema hivi HAKUNA KINACHOCHOCHEA DHAMBI KAMA HURUMA. eti mwenzangu unaonaje hii hoja. Inakuingia kichwani kweli? UKIWA NA HURUMA SANA INACHOCHEA DHAMBI wanungwana? Mimi sijui ila nilizama katika tafakuri anuai, nikajikuta nawaza hiki kipengere.

HAPO NDIPO PENYE AKILI,HEKIMA?

"Hapa ndipo penye hekima. Yeye aliye na akili na ahesabu ya mnyama huyo, maana ni hesabu ya kibinadamu. Na hesabu yake ni mia sita sitini na sita(666). UFUNUO 13, 18."

Nina hakika msomaji hili siyo jambo geni kwako. Nasadiki kwa dhati kuwa wale waumini wa dini hii wataweza kutupatia tafsiri kamili juu ya mambo hayo, Tunaambiwa 666 ni hesabu ya kibinadamu zaidi na mwenye akili na aihesabu hiyo kama ilivyo katika UFUNUO wa Yohana.

Namba 666 inahusishwa na ishara za siri za aliyekuwa mfalme wa Rumi NERO CALUDIUS CAESAR AUGUSTUS GERMANICUS(37-68). 666 ni tarakimu inayohusishwa na utumwa wa mwanadamu na maangamizi kwake. 666 imetamkwa katika kitabu cha 11 na cha 66 cha Biblia. Cha 11 ni wafalme na cha 66 ni Ufunuo.

Kitabu cha 11 cha Biblia ni 1 wafalme 10; 14, Namba 666 kinasema hivi "Basi uzani wa dhahabu iliyomfikia Suleimani mwaka mmoja ndio talanta mia sita sitini na sita(666). Pia katika kitabu cha Mambo ya nyakati 9;13, ufunuo 13;48. Katika kitabu cha Ezra 2;13 kunatamkwa namba hii 666.

Biblia inavitabu 66 na 666. Hesabu toka Mwanzo hadi ufunuo. Je maana nyingine ufunuo ni mwisho? Ufunuo unafunua nini? Nafsi za Yakobo zilikuwa 666? soma mwanzo 46;26. Kwanini mwanamke wa kiisrael alipangiwa siku 66? soma Mambo ya Walawi 12;5.

Nini maana ya WWW(world wide website)? kwa maana kwa wagiriki W ni sawa na 6 ambayo warumi kwa kirumi ni VI, lakini huita I sawa na 1, V sawa na 5, X sawa na 10 na L ni sawa na 50. Je W ambayo ni 6, inamaana ya 666? Namba hiyo inaleta utata pia katika bunge la ulaya mbona kiti namba 666 hakikaliwi wakati kuna 667 na 665 ambavyo hutumika? Je ni bunge la kishetani ama Biblia iliandaliwa na watu maalumu?

WASHINGTON DOME

ujenzi wake ulikamilika mwaka 1884, una urefu wa futi 555. Ukikokotoa futi 555, utapata inchi 666. Je ni namba 666? Hii inaleta maana gani kwetu na wale waumini wafia dini? Je tunafikiri kwa bidii?

SARAFU YA EURO

Ina nyota 6, fito 6 zimeshika nyota. Julai 20, 1999 bunge la kwanza lilifanyika. Likachagua mwanamke aliyepanda mnyama kama ishara yao. soma UFUNUO 17;3, unaeleza sanamu la mwanamke lililojengwa katika bunge la ulaya mjini Brussels Ubelgiji.

Stemp ya 100 ya EU inafanana na sanamu hiyo. Pia umechorwa katika jengo la Brussels. Hii ni imani gani au ni za mwenyezi mungu? Sarafu mpya ya ulaya ina alama ya mwanamke aliyeketi juu ya mnyama. Je ni maagizo ya mola? Je Yohana anatufunulia mwisho wa dunia au kizazi cha shetani?

Halafu wanazindua biblia yenye lugha 66(?) unajua maana yake katika imani yako? Unadhani Mungu anahuruma sana? Nani alimwumba shetani?

TAFAKARI SANA.