LEVARDIS ROBERT MARTYN BURTON JR: MSEMINARI ALIYEUVAA UAFRIKA KWENYE FILAMU YA “ROOTS” KWA JIN LA KUNTA KINTE.

Na Kizito Mpangala

Ukimtazama hata kwa picha utasema ni mzaliwa halali wa Gambia kutokana na mwonekano wake katika filamu iliyomlazimu kuwa Mgambia.

Alizaliwa mwaka 1957 nchini Ujerumani Magharibi (sasa Ujerumani) kwa wazazi Levardis Robert Martyn Burton Sr na Erma Gene. Baba yake alikuwa ni mpiga picha wa jeshi la Marekani katika kituo cha afya cha Landstuhl cha jeshi la Marekani nchini Ujerumani. Mama yake alikuwa mwelimishaji wa jamii.

Burton Jr na dada zake wawili walilelewa na mama yao katika mji wa Sacramento jijini Calofonia nchini Marekani huku baba yao akibaki Ujerumani kikazi.

Burton Jr alivutiwa na kujiunga na Seminari na hivyo akakubaliwa kuanza masomo katika Seminari ya Mtakatifu Pius X katika kitongoji cha Calt jijini Califonia kwa lengo la kuwa padre.

Alipokuwa Seminarini, alipenda kusoma vitabu vya falsafa na kufanikiwa kuwasoma wanafalsfa kadhaa Seminarini hapo. Katika falsafa hizo, alivutiwa na kuwasoma kazi za wanafalsafa Lao Tzu, Nietzsche na Kierkegaard ambazo zilimfanya awahoji walimu wake kama Ukatoliki ndiyo dhehebu pekee kweli.

Alipofikia umri wa miaka 17 alihitimu katika Seminari hiyo na kuamua kujiunga na chuo kikuu cha Califonia Kusini kwa masomo ya sanaa. Alitunumiwa shahada ya kwanza ya sanaa huku akijikita katika uigizaji.

Mwaka 1977 alikuwa kumzo katika vyombo mbalimbali vya kimataifa baada ya kuwa mhusika mkuu katika filamu ya Roots iliyotokana na hadithi (riwaya) iliyoandikwa na Alex Haley katika kitabu chake cha Roots: The Saga of an American Family ambacho kinasimulia kuhusu kijana aliyeitwa Kunta Kinte ambaye iliaminika alizaliwa nchini Gambia na kutekwa na wakoloni kisha kupelekwa Marekani kama mtumwa. Katika filamu hiyo, Burton Jr ametambulika kwa jina la KUNTA KINTE.

Burton Jr alitunukiwa tuzo mbalimbali na vyombo mbalimbali vya habari ikiwemo BBC kutokana na umhairi wake katika filamu ya ROOTS ambayo ilikuwa ni filamu hyake ya kwanza kuigiza kwa umahiri ule. Filamu hiyo mpaka sasa ina matoleo kadhaa. Alipoulizwa na watu kuhusu mtazamo wa jamii yake ya Marekani katika filamu ya Roots alisema kwamba “filamu hii imeongeza utambuzi na kujiamini miongoni mwa watu. Watu weusi na weupe wameanza kutambuana wenyewe kwamba wote ni binadamu, lakini si kama matoleo ya binadamu. Na ukirusha jiwe bwawani lazima utaona mawimbi yakisambaa kama mduara, hayasimami. Ninafikiri jambo muhimu ni mabadiliko, na daima yakuwa taratibu. Jambo lolote linalotokea usiku huwa halina msingi yakinifu ya taarifa zake. Filamu ya Roots ni sehemu ya mabadiliko, na bado inachezwa katika matoleo mbalimbali”

Burton Jr anatambulika na wengi pia katika filamu za Star Trek: The Next Genaration, Fantasy Island, Battle of the Network Star  na The Muppet Movie. Pia alialikwa katika kipindi cha televisheni kilichoitwa Rebop ambacho kilikuwa ni kwa ajili ya watoto.

Burton Jr (Kunta Kinte) alipata heshima kubwa kutokana na kazi yake ambayo ilitangazwa mara 200. Ni mlolongo wa vipande vya filamu kwa ajili yha watoto, mlolongo huo uliitwa Reading Rainbow ambao unaaminika mpaka sasa kuwa ni mrefu zaidi kwa katika filamu za watoto kuwahi kutokea. Kutokana na kutangazwa mara 200, Burton Jr (Kunta Kinte0 na rafiki yake Mark Wolfe walipata haki miliki ya mlolongo huo kwa ajili ya watoto na wakafungua kampuni ya utangazaji kwa ajili ya vipindi vya watoto tu. Mwaka 2012 mlolongo huo wa filamu ya Reading Rainbow ulitengenezewa kiambata maalumu yaani Application (App) kwenye ubamba (iPad) ambayo inaitwa RRKIDZ.

Mwaka 1986, Burton Jr (Kunta Kinte) alifuatwa na mwongozaji wa filamu, Gene Roddenberry ili awe muhusika mmojawapo katika mlolongo wa filamu yake. Uhusika aliompangia ni Luteni Geordi la Forge katika mlolongo (series) wa filamu ya Star Trek: The Next Generation. Kisha akaawa anacheza uhusika huo katika matoleo mbalimbali ya filamu hiyo ambayo ilianza kuitwa Stae Trek: The Next Genaration baadae ikaiwa Star Trek Generation  na kuishia na Star Trek: Nemesis mwaka 2002.

Mwaka 2001 alikuwa muhusika mkuu katika filamu iliyoitwa Ali iliyokuwa ikimwelezea Martin Ruther King Jr ambapo Barton Jr ( Kunta Kinte) mwenyewe ndiye aliyecheza kama Martin Luther King Jr. ameshinda tuzo mbalimbali ambazo kwa jumla ni 49.

Hakuishia katika uigizaji tu. Burton Jr (Kunta Kinte) alikuwa pia mwongozaji wa filamu na ameongoza filamu nyingi sana. Kazi yake mojawapo ya uongozaji wa filamu inayokubalika sana ni matoleo yote ya filamu ya Star Trek: The Next Genaration.

Mwaka 1992 Burton Jr (Kunta Kinte) alimuoa Stephania Corzat ambaye ni mtaalamu wa urembo. Wanao watoto wawili ambapo mmoja pamoja na mkewe huyo na mwingine ni katika mapito yake ya ujana.

0692 555 874.