MWONEKANO WA ZIWA NYASA KATIKA KIJIJI CHA MBAHA WILAYA YA NYASA

MV NJOMBE INAVYOFUNGUA FURSA KWA WAKAZI ZIWA NYASA.

Honorius Mpangala, 0628994409

NA. HONORIUS MPANGALA
AKIWA katika kampeni za urais mwaka 2005 Rais mstaafu Jakaya Mrisho Kikwete katika ardhi ya Kyela Mkoani Mbeya alihaidi meli. Alirudia tena kauli hiyo alipokuwa katika ardhi ya Mbamba Bay Mkoani Ruvuma. Baada ya kipindi cha utawala wake hatimaye meli alizoahidi tayari zimeonwa na Wanyasa. 

MV Njombe imekamilika na kufanikiwa safari moja ya majaribio kutoka Bandari ya Itungi hadi Mbamba Bay.  Yapo mambo ambayo ni fursa kwa wakazi wa Nyasa kutokana Meli hii. Kama inavyoitwa ni meli ya mizigo ni chombo kitakachoweza kuwainua kiuchumi wakaza wa Nyasa kama watakitumika ipasavyo. Kuinuka kiuchumi kutatokana na kujikita katika shughuli ambazo wakazi wake watajishughulisha na shughuli kama ilivyo kilimo biashara na hata ufugaji wa kisasa na wenye tija katika maisha ya leo.

Kilimo cha biashara ni moja ya ujasiriamali ambao watu wengi wamekuwa wakijishughulisha nao. Katika mwambao wa Ziwa Nyasa hususani wilaya Nyasa yapo mabonde ambayo yanaweza kufanyika kilimo cha mazao ya muda mfupi na kwa mfumo wa kilimo cha umwagiliaji, na kile cha kutegema mvua na kuleta tija.

KWANINI WILAYA YA NYASA IMESHIKA MKIA KATIKA MATOKEO YA DARASA LA SABA?

RAYMOND NDOMBA, SONGEA

WILAYA ya Nyasa iliyopo mkoa wa Ruvuma imekuwa ya mwisho katika matokeo ya darasa la saba mwaka huu 2017 kimkoa. Swali la kujiuliza ni kwanini hali hiyo imetokea. 

Mawazo yangu ni haya; Pamoja na sababu nyingi zilizosababisha matokeo hayo ya aibu kubwa. Wazazi wanapaswa kubeba lawama kubwa. Wengi wao hawafuatilii maendeleo ya watoto wao, pia makuzi na malezi mabaya.

Miaka ya hivi karibuni (kuanzia mwaka 2000), Wazazi wengi katika wilaya ya Nyasa hawajali elimu, hawajigusi katika ufuatiliaji wa watoto wao kielimu na hata kitabia (Angalia matokeo ya mitihani ya Taifa ya shule za msingi na sekondari kunzia miaka hiyo ya 2000 kwa shule kongwe ndani ya wilaya). 

TAKWIMU MUHIMU ZA WILAYA YA NYASA HADI OKTOBA 2017

1. Total Number of Hamlets in the District = 425

2. Total Number of Households for Nyasa dc = 31,146

3. Total Female Population for Nyasa dc = 74,768.


4.Total Male Population for Nyasa dc = 71,392.

5. Total Population for Nyasa dc = 146,160.

6. Total Number of Secondary school = 14

7. Total Number of Primary School = 106
Total Number of Villages = 84

8. Total Number of Ward = 20

9. Total Number of Division = 3

CHANZO: Nyasa dc statistics

MBAHA KUNA UFUKWE MZURI KUVUTIA WATALII

 

Picha imepigwa na mdau wetu Hoops Kamanga. Eneo la Picha hii ni kijiji cha Mbaha katika tarafa ya Ruhuhu wiliya ya Nyasa.

Kiji cha Mbaha ni moja ya miji iliyojaliwa fukwe nzuri sana wilayani Nyasa. Ni maeneo ambayo bila shaka yanavutia watalii.

Karibuni wenyeji na wageni.

MVUA KUBWA YANG'OA MADARAJA BARABARA YA LITUHI-MBAMBA BAY

Na Egbart Jeremy, Nyasa

Mvua mkubwa iliyonyesha mapema mwezi huu imesababisha baadhi ya miundombinu kuharibiwa. Miongoni mwa maeneo yaliyoharibiwa kabisa ni Daraja la Mbaha, na barabaraba ya Lituhi kwenda Mbamba kwa ujumla, ambapo imejifunga kutokana na kukosekana kwa vivuko vingine. 

Moja ya maeneo yaliyoharibiwa kutokana na mvua kubwa iliyonyesha wilayani Nyasa

Mvua hiyo imechangia kwa kiasi kikubwa ukosefu wa mawasiliano baadhi ya vijiji hadi vijiji katika mwambao wa ziwa Nyasa. Sio madaraja pekee, bali ukuna uharibifu mkubwa sana vyanzo vya miradi ya maji hususani katika kijiji cha Lundu. 

Hadi sasa hali haijatengemaa kiasi amabcho wakazi wa maeneo yaliyokumbwa na uharifu wanakosa huduma muhimu kutokana na ukosefu wa usafiri kutoka eneo moja kwenda jingine. Ikumbukwe miradi ya maji katika kijiji cha Lundu ni moja ya miradi mipya iliyokamilishwa mapema mwishoni mwa mwaka jana hivyo kuleta nafuu kwa wakazi wake. Lakini kutokana na uharibifu uliotokana na mvua kubwa kunyesha utalazimisha miradi hiyo kuanza kukarabatiwa upya.